صوبائی مشیر نوابزادہ امیر حمزہ خان زہری سے سیاسی و قبائلی وفود کی ملاقات، عوامی مسائل پر تبادلہ خیال

عوام کو بنیادی اور بلدیاتی سہولیات کی فراہمی حکومت کی ترجیحات میں شامل ہے، صوبائی مشیر بلدیات نوابزادہ امیر حمزہ خان زہری

صوبائی مشیر بلدیات و دیہی ترقی نوابزادہ امیر حمزہ خان زہری سے خضدار سے تعلق رکھنے والے مختلف سیاسی و قبائلی عمائدین، معتبرین اور سائلین نے ملاقات کی۔ ملاقات کے دوران وفود نے اپنے علاقوں کو درپیش مسائل، ترقیاتی ضروریات اور عوامی مشکلات سے آگاہ کیا اس موقع پر صوبائی مشیر نوابزادہ امیر حمزہ خان زہری نے وفود سے گفتگو کرتے ہوئے کہا کہ خضدار اور جھالاوان کے عوام کو کسی صورت تنہا نہیں چھوڑا جائے گا اور عوامی مسائل ان کی دہلیز پر حل کرنا ان کی اولین ترجیح ہے۔ انہوں نے کہا کہ عوام کو بنیادی اور بلدیاتی سہولیات کی فراہمی حکومت کی ترجیحات میں شامل ہے اور اس سلسلے میں تمام دستیاب وسائل بروئے کار لائے جا رہے ہیں نوابزادہ امیر حمزہ خان زہری نے سائلین کو یقین دلایا کہ ان کی جانب سے نشاندہی کیے گئے مسائل کے حل کے لیے متعلقہ محکموں کو فوری اور ہنگامی بنیادوں پر اقدامات کی ہدایات جاری کر دی گئی ہیں صوبائی مشیر نوابزادہ امیر حمزہ زہری نے کہا کہ آئندہ مالی سال کے بجٹ میں جھالاوان کے مختلف علاقوں میں جاری ترقیاتی منصوبوں کی بروقت تکمیل اور نئے منصوبوں کے لیے خطیر فنڈز مختص کیے گئے ہیں، جن سے علاقے میں ترقی کے نئے مواقع پیدا ہوں گے صوبائی مشیر بلدیات و دیہی ترقی نوابزادہ امیر حمزہ خان زہری نے کہا کہ وہ اپنے والد سابق وزیراعلیٰ بلوچستان نواب ثناءاللہ خان زہری کے نقش قدم پر چلتے ہوئے جھالاوان کی ترقی، عوامی فلاح و بہبود اور قبائلی تنازعات کے پائیدار حل کے لیے بھرپور اقدامات جاری رکھیں گے۔ انہوں نے کہا کہ عوام کے مسائل کے حل اور علاقے کی خوشحالی کے لیے ان کے دروازے ہمیشہ کھلے ہیں۔