بی ڈی اے اسٹاف ایسوسی ایشن کے وفد کی وزیراعلیٰ بلوچستان سے اہم ملاقات

وزیراعلیٰ بلوچستان کی متعلقہ حکام کو تنخواہوں کی ادائیگی یقینی بنانے کی تاکیدبی ڈی اے اسٹاف ایسوسی ایشن کے وفد کی وزیراعلیٰ بلوچستان سے اہم ملاقات، ملازمین کی تنخواہوں کی فوری ادائیگی کی ہدایتکوئٹہ: بلوچستان ڈویلپمنٹ اتھارٹی (بی ڈی اے) اسٹاف ایسوسی ایشن کے وفد نے مقصود الرحمان بازئی، حاجی سیف اللہ ترین، حاجی نور محمد اور عین اللہ کاکڑ کی قیادت میں وزیراعلیٰ بلوچستان سے اہم ملاقات کی، جس میں بی ڈی اے ملازمین کو درپیش مسائل اور خصوصاً تنخواہوں کی عدم ادائیگی کے معاملے پر تفصیلی گفتگو کی گئی۔ملاقات کے دوران وفد نے وزیراعلیٰ بلوچستان کو ملازمین کو درپیش مشکلات سے آگاہ کرتے ہوئے تنخواہوں کی بروقت اور فوری ادائیگی کی درخواست کی۔ وزیراعلیٰ بلوچستان نے متعلقہ حکام کو بی ڈی اے ملازمین کی تنخواہوں کی فوری ادائیگی یقینی بنانے کی تاکید کی۔ملاقات میں بی ڈی اے ملازمین کے دیگر مسائل اور مطالبات بھی زیرِ غور آئے۔ اس موقع پر اتفاق کیا گیا کہ ملازمین کے باقی مسائل پر تفصیلی غور کے لیے آئندہ ایک علیحدہ نشست منعقد کی جائے گی، جس میں تمام معاملات کا جائزہ لے کر مناسب اقدامات پر غور کیا جائے گا۔بی ڈی اے اسٹاف ایسوسی ایشن کے وفد نے ملازمین کے مسائل کے حل اور تنخواہوں کی ادائیگی کے حوالے سے وزیراعلیٰ بلوچستان کی توجہ اور یقین دہانی پر اطمینان کا اظہار کیا۔