کوئٹہ: شاہد رند نے ماشکیل میں فائرنگ کے افسوسناک واقعے میں پانچ افراد کے جاں بحق ہونے پر گہرے دکھ اور افسوس کا اظہار کرتے ہوئے کہا ہے کہ یہ واقعہ انتہائی قابل مذمت ہے۔ انہوں نے کہا کہ حکومت بلوچستان نے واقعے کا فوری نوٹس لیتے ہوئے شفاف، غیر جانبدار اور مکمل تحقیقات کا حکم دے دیا ہے۔
شاہد رند نے کہا کہ معصوم اور بے گناہ شہریوں کے قتل میں ملوث عناصر قانون کی گرفت سے نہیں بچ سکیں گے۔ قانون نافذ کرنے والے اداروں کو ملزمان کی فوری گرفتاری اور انہیں کیفرِ کردار تک پہنچانے کی ہدایت جاری کر دی گئی ہے۔
انہوں نے کہا کہ حکومت متاثرہ خاندانوں کے غم میں برابر کی شریک ہے اور انہیں ہر ممکن تعاون فراہم کیا جائے گا۔ ان کا کہنا تھا کہ بلوچستان میں امن و امان کو خراب کرنے کی کسی بھی سازش کو ہرگز کامیاب نہیں ہونے دیا جائے گا۔
شاہد رند نے مزید کہا کہ ریاست شہریوں کے جان و مال کے تحفظ کو ہر صورت یقینی بنائے گی اور دہشت و خوف پھیلانے والے عناصر کے خلاف بھرپور کارروائیاں جاری رہیں گی۔ انہوں نے کہا کہ حکومت بلوچستان عوام کے تحفظ، انصاف کی فراہمی اور صوبے میں پائیدار امن کے قیام کے لیے تمام دستیاب وسائل بروئے کار لا رہی ہے۔
Leave a Reply