فاطمہ ثناء کا خواتین کرکٹ لیگ دی ہنڈرڈ میں معاہدہ ہوگیا

پاکستان ویمن ٹیم کی کپتان فاطمہ ثناء کا برطانیہ کی ویمن کرکٹ کی ٹی ٹوئنٹی لیگ دی ہنڈرڈ میں معاہدہ ہوگیا ہے۔

کرکٹ ویب سائٹ کی رپورٹ کے مطابق فاطمہ ثناء کو برمنگھم فینکس نے اپنے اسکواڈ کا حصہ بنالیا ہے۔

رپورٹ میں یہ بھی بتایا گیا کہ پاکستانی کپتان کو برمنگھم فینکس نے آسٹریلیا کی لوسی ہملٹن کی جگہ وائلڈ کارڈ پر ٹیم میں شامل کیا۔

دی ہنڈرڈ لیگ 21 جولائی سے 16 اگست تک کھیلی جائے گی۔ فاطمہ ثناء دی ہنڈرڈ میں کھیلنے والی پہلی پاکستانی ویمن کرکٹر ہوں گی۔

کپتان فاطمہ ثناء کی شاندار فوٹوگرافی، ساتھی کھلاڑی بھی حیران

کرکٹ ویب سائٹ نے رپورٹ کیا کہ پاکستانی ٹیم کی کپتان فاطمہ ثناء کو معاہدہ کے تحت کم از کم 15 ہزار پاؤنڈ ملیں گے۔

رپورٹ میں یہ بھی کہا گیا کہ پاکستان کے دورہ سری لنکا کی وجہ سے فاطمہ ثناء کی دستیابی محدود میچز تک ہوسکتی ہے۔

خیال رہے کہ پاکستان نے 23 جولائی سے 4 اگست تک وائٹ بال سیریز کے لیے سری لنکا کا دورہ کرنا ہے۔