کوئٹہ: وزیر داخلہ بلوچستان میر ضیاء اللہ لانگو نے کابل جان ہوٹل کے مالک ہاشم خان نورزئی کے قتل کے واقعے کا نوٹس لیتے ہوئے متعلقہ حکام سے 24 گھنٹوں کے اندر تفصیلی رپورٹ طلب کر لی ہے۔
معاون برائے داخلہ بابر یوسفزئی کے مطابق وزیر داخلہ نے واقعے میں ملوث ملزمان کی فوری گرفتاری کے احکامات جاری کرتے ہوئے قانون نافذ کرنے والے اداروں کو تحقیقات تیز کرنے کی ہدایت کی ہے۔
میر ضیاء اللہ لانگو نے کہا کہ قتل میں ملوث عناصر کو ہر صورت قانون کے کٹہرے میں لایا جائے گا اور کسی کو بھی قانون ہاتھ میں لینے کی اجازت نہیں دی جائے گی۔
انہوں نے ہدایت کی کہ واقعے کی تحقیقات ہر پہلو سے مکمل شفافیت اور غیر جانبداری کے ساتھ آگے بڑھائی جائیں تاکہ حقائق سامنے لائے جا سکیں۔
وزیر داخلہ نے مزید کہا کہ صوبے میں امن و امان خراب کرنے والے عناصر کے خلاف بلاامتیاز کارروائی جاری رکھی جائے گی، جبکہ حکومت شہریوں کے جان و مال کے تحفظ کو یقینی بنانے کے لیے ہر ممکن اقدامات کر رہی ہے
Leave a Reply