کوئٹہ( ویب ڈیسک ) جامعہ بلوچستان کے چانسلر نے بلوچستان یونیورسٹیز ایکٹ 2022 کے تحت حاصل اختیارات کا استعمال کرتے ہوئے شعبہ ابلاغیات (میڈیا اسٹڈیز) کے سینئر استاد پروفیسر ڈاکٹر ببرک نیاز کو فیکلٹی آف آرٹس اینڈ ہیومینٹیز کا ڈین مقرر کر دیا ہے۔
جاری کردہ نوٹیفکیشن کے مطابق پروفیسر ڈاکٹر ببرک نیاز کی تقرری 18 جون 2026 سے دو سال کی مدت کے لیے عمل میں لائی گئی ہے۔ ان کی تقرری جامعہ بلوچستان میں تدریسی و انتظامی امور کو مزید مؤثر بنانے اور فیکلٹی کی تعلیمی سرگرمیوں کو فروغ دینے میں اہم کردار ادا کرے گی۔
جامعہ بلوچستان کے اساتذہ اور تعلیمی حلقوں نے پروفیسر ڈاکٹر ببرک نیاز کی بطور ڈین تقرری کا خیرمقدم کرتے ہوئے اس امید کا اظہار کیا ہے کہ ان کی قیادت میں فیکلٹی آف آرٹس اینڈ ہیومینٹیز مزید ترقی کرے گی
Leave a Reply