اسلام آباد کانفرنس میں شرکت کرنے والے گالیاں کھا کر واپس آئے ہیں، صادق عمرانی

کوئٹہ (ویب ڈیسک) صوبائی وزیر صادق علی عمرانی نے بلوچستان اسمبلی میں خطاب کرتے ہوئے کہا ہے کہ بلوچستان میں جو قوّتیں امن و امان کی بحالی کی ذمہ دار ہیں، حکومت جن کے لیے اربوں روپے امن و امان کی بحالی کیلئے مختص کرتی ہے، اس کا کوئی فائدہ ہوتا کیوں سامنے نہیں آ رہا ہے۔ ہمیں بتائیں اس صوبے کے لوگ جو ٹیکس دیتے ہیں ان کو تحفظ کیوں نہیں دیا جا رہا ہے۔ امن قائم نہ ہونے کی وجوہات بتائیں۔ بلوچستان سے متعلق کھڑے 235 عمائدین جن میں ممبران اسمبلی و سینیٹ بھی موجود تھے اسلام آباد میں ایک کانفرنس میں شریک ہوئے، یہ سارے وہاں سے گالیاں کھا کر واپس آئے ہیں۔