بلوچستان میں ’آپریشن شعبان‘ کے دوران مزید 4 خوارج مارے گئے، ہلاک دہشتگردوں کی تعداد 71 ہوگئی

پاک فوج، ایف سی بلوچستان اور پولیس کا صوبے میں ’آپریشن شعبان‘ جاری ہے، جہاں تازہ کارروائیوں کے دوران مزید 4 خوارج جہنم واصل کردیے گئے۔

سیکیورٹی فورسز کی فتنہ الخوارج کےخلاف علاقے میں موثر کارروائیاں جاری ہیں۔ آپریشن شعبان میں ہلاک دہشت گردوں کی تعداد 71 ہوگئی جبکہ 5 جولائی سے اب تک 109 خوارج مارے جا چکے ہیں۔

سیکیورٹی ذرائع کا کہنا ہے کہ خارجیوں کو فضائی اور زمینی کارروائیوں میں نشانہ بنایا جا رہا ہے، ہلاک خارجیوں کے قبضے سے بڑی تعداد میں اسلحہ اور گولہ بارود بھی برآمد کیا گیا۔ برآمد اسلحے میں ایم 4 رائفل، ایس ایم جیز، راکٹ لانچر، موبائل فونز اور دیگر سامان شامل ہیں۔

بلوچستان: آپریشن شعبان جاری، مزید 7خوارج ہلاک

سیکیورٹی ذرائع کا کہنا ہے کہ آخری دہشتگرد کے خاتمے تک بلوچستان میں آپریشن شعبان جاری رہے گا۔

دوسری جانب وزیر داخلہ محسن نقوی نے کہا ہے کہ سیکیورٹی اداروں کی مشترکہ کارروائیاں قومی سلامتی کے تحفظ کے عزم کی عکاس ہیں۔ افسران اور جوانوں کی بہادری اور پیشہ ورانہ صلاحیتوں کو خراجِ تحسین پیش کرتے ہیں۔