واحدت کالونی میں افسوسناک سانحہ، باپ نے 5 بچوں اور اہلیہ کو قتل کرنے کے بعد خودکشی کر لی

کوئٹہ کے علاقے واحدت کالونی میں ایک دل دہلا دینے والا واقعہ پیش آیا جہاں ایک شخص نے مبینہ طور پر اپنی اہلیہ اور پانچ بچوں کو قتل کرنے کے بعد خودکشی کر لی۔ واقعے کی اطلاع ملتے ہی پولیس اور امدادی ٹیمیں موقع پر پہنچ گئیں اور لاشوں کو تحویل میں لے کر ہسپتال منتقل کر دیا گیا۔ پولیس کے مطابق واقعے کی وجوہات جاننے کے لیے تحقیقات کا آغاز کر دیا گیا ہے جبکہ شواہد اکٹھے کیے جا رہے ہیں۔ افسوسناک سانحے کے بعد علاقے میں شدید غم و سوگ کی فضا پائی جاتی ہے۔