چمن پھاٹک ٹرین دھماکے میں معصوم اور بے گناہ شہریوں اور مسافروں کو نشانہ بنانا انتہائی افسوسناک اور قابل مذمت عمل ہے، صوبائی مشیر نوابزادہ امیر حمزہ زہری

کوئٹہ: 24 مئی 2026

صوبائی مشیر بلدیات و دیہی ترقی نوابزادہ امیر حمزہ خان زہری نے کوئٹہ میں چمن پھاٹک کے مقام پر ٹرین کے قریب ہونے والے دھماکے کی شدید مذمت کرتے ہوئے اسے بزدلانہ کارروائی قرار دیا ہے اپنے مذمتی بیان میں انہوں نے کہا کہ معصوم اور بے گناہ شہریوں اور مسافروں کو نشانہ بنانا انتہائی افسوسناک اور قابل مذمت عمل ہے، جس کی جتنی مذمت کی جائے کم ہے صوبائی مشیر نوابزادہ امیر حمزہ خان زہری نے کہا کہ دہشت گرد عناصر کے خلاف آہنی ہاتھوں سے نمٹا جائے گا اور عید کی خوشیوں کو ماند کرنے والے دہشت گرد کسی رعایت کے مستحق نہیں انہوں نے واقعے پر دلی رنج و غم کا اظہار کرتے ہوئے جاں بحق افراد کے لواحقین سے تعزیت اور ہمدردی کا اظہار کیا، جبکہ زخمیوں کو فوری طبی سہولیات کی فراہمی پر اطمینان کا اظہار بھی کیا۔